usahay sa akong pagluha

(kini pahinungod sa mga dughan nga samaran)

usahay, ang kalibutan lisud hisabtan

usahay, ang kinabuhi ni walay kahulugan;

usahay, ang kasing-kasing nag-awas-awas sa gugma,

usahay, ang gugma puno sa pagluha.

ngano ang kalibutan kinahanglan nga sabton

ngano ang kinabuhi kung di mapuy-an ni walay kahulugan sa ingon;

ngano ang kasing-kasing nga puno sa gugma kay dali gayud lang masakitan,

ngano ang gugma kung masakitan kini luhaan man.

tanang mga butang adunay mga hinungdan

mga hinungdan nga nagpaluyo sa mga kabitoonan;

apan kung ang kasing-kasing may igong hinungdan sa paghigugma,

ang gugma usab may iya, mao ang pagluha...

~aiz_ver~

kagabhion sa baybayon

pagkalingin sa bulan nga midan-ag sa akong kagabhi-on

pagkamalinawon sa dagat uban sa nangayagkag;

pagkabugnaw ug hagkut sa hangin nga naalisngawan sa dagat,

ug pagkamaanindot sa mga bitoon uban sa ilang pagsidlak..

bisan nag-inusara lang ako nga nagpuy-angod ng maong payag

apan pinaagi sa hiyas sa kinaiyahan ako nagpadayag;

nga sa hilum ning maong baybayon ako nakapamalandong,

unsa kaanindot ning maong kinabuhi nga saulugon.

~aiz_ver~

ang kinabuhi nga bukidnon

gikan ning maong bungtod nga diin ako nagtindog

suga sa nangayagkag ug lampara sa mga payag 

sa akong panan-aw naghatag kahayag;

wala nay binuhat nga nagtukaw

gawas kanako nga nagpulaw,

nagsud-ong sa kinabuhi nga bukidnon,

ug taliwala ning tanan nagpasalamat sa gihapon

sa Labaw'ng Makagagahom.

~aiz_ver~

ang paglawig

miabot ang takna nga siya palargahon

mobiya sa asawa'g anak, ginikanan ug igsoon;

panamilit nga puno sa kahingawa ug kamingaw,

apan agwanta lang ang tambal sa matag adlaw.

para nila, grasya na kaayo ang makasakay

aron sa ingon ang pamilya dili kaayo magkagidlay;

mao nga ilang giatubang ang mga hagit sa kabudlay,

para makatagamtam ang nahabilin panalagsa og kahayahay.

dili sayon ang gipili nila nga matang sa kinabuhi

paningkamot, unos ug balud 

taliwala sa lawud nagpakabuhi;

giantos ang tanan para mahaw-as sa kawad-on,

ang buhing kadasig mao ang: ampo, gugma

pagtoo ug paglaum.

~aiz_ver~

unsa ang kapalaran

‎

unsa imong gitagana dri kanako ug
ang mga butang nga akong kapilian,

unsay pultahan ang andam nga akong
kasudlan,unsa may imong gusto nga 

akong pagabuhaton ning maong
dalan nga  akong gilaktan..

may katagbawan ba diha kanimo,

h kapalaran,imong mga
tubag ihunghung lang sa bungol kong dunggan.....

 

~aiz_ver~

kapalaran

‎

‎"KAPALARAN",dugay
na nga panahon nga ako
naghandum ning nagpakabuta nga mata, 

asa man ka nko makita,sa walog
ning kinabuhi,asa ka nako makaplagan,
... ni sama ka sa manok nga idlas
kung mamahimong mungaan,

nganong nagpahipi kasa huyohoy sa hangin,
dagayday sa tubig ug sa imong dahong lubi nga pugaran....

 ~aiz_ver~

kapalaran ang paghanduraw

...ang akong kapalaran mao ang paghanduraw....

.paghanduraw sa gipangandoy'ng kinabuhi..

ang akong kapalaran mao ang pagpuyo

sa paagi nga gusto nako....

pagpuyo nga may igong kagawasan...

...ang akong kapalaran mao ang paghigugma nga way sama..

...ang akong kapalaran mao ang pagpanginabuhi......

 ~aiz_ver~

ang balak

...gimingaw na pag-usab kining

akong balak sa mga linya sa letra ug pulong
nga daw bulawan nga nahipatik sa akong dughan..

abi nakog nahikalimtan mo na ako usab...

abi ko'g nilabay na kadtong katapusan sa atong pakighinabi..

apan sayop ang tanan ...

 kinahanglan kining ibalak pag-usab..

ug ipahayag sa kadaghanan nga hubo ug wala'y bakak.....

subang

..Ikaduhang pagsubang 

milingiw silang tanan nahanaw

ang sinag natabunan ang iyang dughan 

sa dagtom sa kapalaran. 

Nabasa ang yuta nilakra ang tunob sa kadalanan

bugnaw ang huyuhoy sa kapalaran, 

makabungol ang kagabhion 

nagtago luyo sa bagang panganod, 

ang masulob-ong buwan sa wala pagpatim-aw 

sa mga bituon sa kalangitan.

 

~aiz_ver~

ang binhi

...ang kinabuhi nahisama sa pagturok, 

pagtubo, ug paglambo sa usa ka 

binhi ngadto sa lindog nga kahoy. ..

.sa kinabuhi, ang mapukan ang madaugon......

‎....dinhi sa yuta ang binhi sa kinabuhi naghulat,

mapailubon, sa pagyukbo sa gitakdang panahon..

.bangon, pagmata na ug bukhara ang imong mga kamot,..

binhi nga wala'y gahum, ang pagtubo mo dili imong pagbuot.....

 ‎...pakamanga ang imong mga gagmay'ng tiil 

ug panggunit og higpit sa yuta...

Silawan ka sa adlaw ug palad-okon ka

 sa ulan, binhi, hinumdumi, 

nga sa imong pagturok

kinahanglan ka mapukan. 

~aiz_ver~

adlaw'ng halandumon

Kanus-a naangkon ko..

Ang kinaham nga gugma mo.....

...Langit ba ang nagmando...

O kaha kita ang nagtuyo 

Nga mga dalan ta managtagbo..

Ug mga kinabuhi ta managtakdo?

Panghitabong kahibulongan

...Tulukibong mga hinungdan

Hain ang imo ug akong dughan

Nahiusa, nagpitik og dungan....

~aiz_ver~

 

bungol nga kawayan

...Ihunghong ko sa kawayan nga bungol ..ang kapait nga gibati ko.

Ipakita ko sa bulan nga buta.. ang kahidlaw nga gipas-an ko.

Wala'y laing nasayod niining tanan kondili ako......

~aiz_ver~

bato ugtinapay

 

...ayaw paghasul sa isigka-tawo ..

.ay’ pag-ibatok sa dautang tinguha..kay
 ang maglapas bisan sa damgo,ginabilanggo na’s hunahuna; 

sugo sa
Dios: “Kon bato’y ilabay, baslon pag-itsa nato’g tinapay.”...........

~aiz_ver~

kalipay'g kasubo

....bulahan kadtong magapalandong,

sa kauswagan sa kaliwat nato,

aron katarong sa tawo molabong, 

bag-ong salingsing sa liwat motuybo; 

dunay kaduyog pagmalipayon,
dunay kabahin pagmasulob-on.

~aiz_ver~

lugas sa humay nga anihunon...

ang buhay

hindi mo gusto

nangangarap

ikaw aking alaga

sana di ako pinanganak

ang pasol

  

Tugoti kong ipahagtos kining lambo,
Ug ugaling maswertehan, tukbon kining pasayan
Nga nagluko sa tumoy kay nahadlok sa balod--
Di ko magduha-duha’ng makigtrukis kanimo.
Palihog tugoti nga ipahagtos kining pasol
Kay di ko na maantos ang kahidlaw kanimo,
Kay di ko na maantos ang katugnaw sa lawod
Ug taliwala sa kahilab niining akong tiyan.
Luwasa intawon ko sa hingpit nga pagkapasmo....

~aiz_ver~

takbo ng buhay

...Hinahabol ang mga alaala ng lumipas na panahon,

Bakit nga ba nagkaganon?

Ang dami nang dumating, ligaya at pasanin,

Kung maitutuwid lang babalikan at aamuhin.

Pero lumipas na ang panahon,

Nandiyan man, di na kayang abutin ang pagkakataon,

Masaya nang tumatanda at unti unting maka limot,

Memorya'y unti unti nawawala, mga sugat humihilom...

~aiz_ver~

munting tula

 

itong munting tula handog sa mga ina...


...Sana maalala ko pa,

 sa pag hulog ng mga taon tulad ng dahon sa taglagas,
Ang ating mga dinaanan, 

sana hindi sa memorya ko ay magwakas.
Ang iyong pagpalaki sa akin, 

para sa iyo ay malaking hamon,
Mailayo ako sa galos o sa mga kaalamang hindi naaayon.
Sana maalala ko pa, 

ang panahong tayo'y magkasama,
Naramdaman ko sana ang pag mamahal mo, 

malayo man aking ama.
At sa pag lubog ng bawat araw, 

sana iyong napuna,
Wala man siya sa iyong piling, 

puso ko'y lagi mong kasama....

~aiz_ver~

sukod sa kalipay

.mga takna sa paglaum,

dili ko hingkalimtan,

takna nga labihan katahum, n

ga angay
gyud pasalamatan. 

sa usa'g usa kita sa kalipay naghinatagay,

kinabuhi
walay ikamahay,...

.kini ang sukod sa atong kalipay.

~aiz_ver~

ang maong adlaw

 

..pakabulahan sa adlaw nga kita nagkaila,

mao to'y sinugdan sa atong gugma

nga tinunay ug putli,mao'y  atong gibati...

.himaya ang mga adlaw sa atong paghigugma-ay,.

pagkatam-is
sa mga takna sa paghinagkanay.

kinasingkasing, walay katapusan,ang
kalipay ning atong kalibutan,

Sa atong gugma..

atong mga
adlawa......

~aiz_ver~

balod sa gugma

 

 

ang nagtuyok nga balod nagbitad kanimo para malayo kanako,
dagkong kabukiran kanato naglagyo,
nagpuyo ta sa duha ka managlahi nga kalibutan
nga usa ka pagbati sa gugma ang gihagawhaw sa atong dughan.
ang luha midagayday paubos satong aping nga sama sa ulan;
kita nawala sa usa'g usa ka panan-aw natabunan sa hakog nga alindahaw.
padaun sa paglawig ning kinabuhi,
ang dagat atong malaktan, malupad ang kapunaw-punawan,
ug makamang lnalang ang pangpang
tungod sa gugma ang naghari sa atong dughan ug gisaw-an....

 

~aiz_ver~

nokia 3310

nagka-ila mo tungod kanako, nagkita mo tungod kanako;

nagka-uyab mo tungod kanako,
maghiwasa ka kung ako di nimo madala;

inig kurog ug kiring nako, imo daun kong kuoton sa imong bulsa o puniton sa lamisa;
nigmata sa kabuntagon, imo kong basahon;

" hi, luv, kumuzta imong katug..kiss ko beh";

nig daung katulog imo kong halukan  uban sa pulong;

"gud night..mua..muahh..ashup"

may na-wrong sent, naglalis mo tungod kanako;

kaingon ka, mau pag ilabay ni; nagbulag mo tungod kanako;

giibtan ko nimo sa sim ug ako imong gipadaplin

 

tungod ba kay ako NOKIA 3310?

~aiz_ver~

ako ang orasan

sa akong pagkabaratohon, 

sa bangketa, 

gilabyan ug giyam-iran sa akong pagkamahalon, 

sa stante,

gisuling, gilili ug gitutokan.

.. bililhon ba diay ko ning kalibutan? 

mag unsa nalang ang tawo kung wala ko? 

unsa diay ko? 

AKO 

mao ang RELOJ 

o inyong ORASAN..

 ~aiz_ver~

the gift of silence

 I'm thankful for the gift of silence,
thats mends my tired and weary heart,
gives peace in a world that is not peaceful,
and joy among the shadows darkening earth,
encouraging me to seek out the beauty
found hidden among life's weeds,
and welcome sounds of silence in my soul .......

~AIZ_VER~

ang silaw sa bato

.... ang kinabuhi nga batoon, 

gitugot sa higaun...

.pagdugmok para ma-abog dili kini ang tumong.

...ang hagit mao ang bato mahimong sinaw.

..aron sa ingon iyang kasidlak mosilaw.......

~aiz_ver~

problema sa kuarta

sa hilum, nag-inusara, walay kaestorya

ug layu ang panglantaw nga lalum ang gihunahuna

kung asa mangalap og kuarta

para sa nagkatapun-og nga problema..

oh akong problema, 

nganung wala man ka mobiya kanako bisan panalagsa

nagpabilin kang akong gipas-an 

ning naghuyhoy nga abaga...

papahuwaya akong alimpatakan sa paghunahuna

akong kasingkasing sa tumang kabalaka

ug akong mga mata sa pagluha..

~aiz_ver~

paghanduraw

ning maong kagabhion

gihandum ko ikaw

saksi ang bulan sa'kong 

gibatyag nga tumang kamingaw

saksi ang mga kabitoonan 

sa matag lusok sa luha uban sa panghupaw

misamot ang akong paghanduraw

nga sa kalit milapdos kanako

ang huyohoy nga mabugnaw.

gibati ko'g katugnaw

nagpanglingi - sa unahan ako nagalan-taw

apan wala ikaw..

gisinggit ko ang imong ngalan

apan agi'g balos akong nadungog ang alingawngaw

asa ka man diay karon

ug ako mipiyung ug gipaminaw ang hagawhaw

akong naamguhan nga sa kanunay ania ka sa'kong dughan....

~aiz_ver~

ako, ang maong bulak

 

...AKO ang maong bulak, 

mabulukon nga sa hardin nangalimyon....

mahigalon ug mapahiyumon..

may hiyas nga di makita sa bintana sa mata sa tawo

apan kini mabatyagan diha sa ilang kinahiladman.

...yano lang ang akong pagkabulak..

akong dahon mga tag-as ug talinis ang tumoy...

..apan kung ang buyog masangit niini o mahulog..

dili kini makaakong makapasakit

hinoon matusok ang buyog sa lalum nga gugma 

ug mitaop sa dahon sa iyang pagkabulak......

~aiz_ver~

kawasan falls

....daghang mahilig moadto aning dapita.

.ikaw, ako ug sila...

.kini atong makaplagan sa Matutinao, Badian, Cebu. ...

mao ang " kawasan falls"....

usa ni siya ka gasa sa atong kinaiyahan 

nga atong ampingan tungod kay dili sa tanang panahon 

kita makasud ong sa kaanindot sa maong dapit,

sa kabatoon sa dalan padalung sa tinubdan, 

sa kakulba sa paglatay sa taytayan, 

sa mga tanum, mga kahoy nga maoy misapopo sa kainit 

ug naghatag landong, s

sa kabugnaw sa tubig nga midalipsay 

sa imong panit ug midagayday sa kilid.

...ug kining tanan angay tang mapasigarbuhon

isip usa ka Sugbuanon.....

 

~aiz_ver~

ang akong magtutudlo

      ....kung unsa ta karon, kabahin sila sa atong kinabuhi...

.sila ang atong segundang inahan...

.tibook adlaw, sila atong kauban sa eskuylahan..

.gitudloan ta unsa ang lingin, linya ug uban pa..

bisan sa paggunit sa lapis ila tang gitultulan asa ibaglis...

..giinat ilang pasencia aron sa ingon kita makakat-on....

.ug ang unang kanta nga atong nahibaw-an mao

ang A B C D E F G...karon, 

nakapasalamat ba pa ta nila? 

nahinumduman ba nato sila sa atong kalampusan sa kinabuhi.....

~aiz_ver~

batang coin diver

  

...pagkahinanok sa maong bata sa iyang pagkatulog...

.nganong naa man na siya diha sa sakayan?...

..tungod kay mikuyog siya sa
iyang amahan nga "coin diver",

naghulat sa pasahero sa barko nga
mulabay nila og mga sensiyo..

.unsa man kaha ilang mapaabot gikan sa
maong kahimtang, ug unsa man ang mamahimong damgo

sa ilang ugma nga sa bata
nga panuigon nalumsan na sa kapakyasan 

sa maidlot nga kamatuoran.......

~aiz_ver~

trisikad diver

...sa eskina- naghulat namasin

kung may molugwa nga magpahatod,

sa mercado- nagpanawag pasahero, 

sa panahon sa adlaw'ng Domingo nag-atang gawas sa simbahan, 

sa ubos sa dakong punoan sa kahoy 

didto nagpalandong gikan sa kakapoy....

matag indak..may gitagan-an.....

bugas, gatas sa bata ug sud an....

hangtud asa ..hangtud kanus-a ang ilang pagpaningkamot 

nga mahaw-as sa maong kahagip-ot...

makapangutana ta, kung may pangandoy ba usab sila.

..ang tubag, naa...sama natong tanan.

may damgo usab sa kinabuhi alang sa kausaban......

~aiz_ver~

ang magbabaol

 

...ang "kabaw" 

usa sa buhing bahandi 

sa mga magbabaol..

..katimbang nila kini sa pag-ugmad 

sa yuta nga maoy naghatag 

panginabuhi sa ilang pamilya....

pagdaro, pagtudling ug uban pa

maoy gimbuhaton agig tampo

sa ilang agalon 

nga mao ang magbabaol....

~aiz_ver~

mangisdaay

...sa kadlawon..

bisan taliwala sa lalum nga hinanok

sila mobangon gikan sa katulogon..... 

moadto sa dagat aron mangayagkag 

para ikasula ug ikabaligya.. 

giantos ang kabugnaw sa tubig 

uban sa hinuyohoy sa hangin..

..yamukmok lang ang tan-aw sa katilingban 

ngadto nila apan sa kinauyukang 

bahin sa ilang kasing-kasing 

sila mapasigarbohon nga pinaagi 

sa ilang abot ..kita usab nakakaon......

~aiz_ver~

bulawanon

  

......atong nabatasan nga kung daghan 

pang tubig atong usik-usikan, 

di ta makahatag bili tungod kai daghan pa lagi...

apan sa panahon nga magnihit na sa tubig..

.usa pa kita makapamalandong 

nga matag tolo niini bulawanon.......

~aiz_ver~

ulan

... sa tinghulaw, ang yuta moliki - 

gahi pa sa bagal, and atabay mohubas

- uga pa sa nilabhan.....

kung atong lingagngag nagpangawhat sa kauhaw...

unsa man atong buhaton kung

sa pangangod kita pagayam-iran...

makaako pa ba kita pagkawot 

sa nabantok nga lapok 

nga mamasin kung may talipsaw pa sa tubig?...

unsaon nalang kung mahutdan ta'g kusog....

..i-ampo nalang nato sa kahitas-an nga unta mag ulan...

~aiz_ver~

sa ganghaan sa akong dughan

....tali natong duha daghang mga unang hitabo

sa unang higayun nga nahipatik pa gihapon

sa'kong panumduman apan ang higayun

nga akong pinaka-mahinumduman 

mao ang unang higayun

nga nahulog akong kasing-kasing

diha sa ganghaan sa imong dughan....

 

~aiz_ver~

sama sa lapyahan

kinabuhi sa tawo sama sa lapyahan.

..usahay taub..usahay hunasan.

.apan andamon ang kaugalingon sa kanunay

kai dili matag-an ang kinabuhi daplin sa baybay....

. ...di kalikayan sa kalit may magdahunog..

.sa unahan di makita..apan kini madungog,

taud-taud kining tingog mabati gikan sa lawod..

..nagsinggit nga : ayaw padala sa lapdos sa balod.....

 

~aiz_ver~

gugma nga nakaplagan

....kung makita nako ning maong simbahan, 

wala koi
laing mahinumduman kundi ang akong pagkabata 

ug pagkabatan-on...kai
lagi..batasan
ko ang pagkalaagan..adto ko mo laag simbahan, sa simbahan akong
nakaplagan, ang GUGMA nga WAY KATAPUSAN...

 

~aize_ver~

ang kagahapon

gugma ug kaayo mo

...diha sa IMONG pagkahagba, ako mibarog...sa IMONG tumang kauhaw ako natagbaw..tungod sa IMONG kamatayon, ako nahatagag kinabuhi..sa IMONG pagkabanhaw ako dunay paglaom.....SALAMAT KANIMO, SA IMONG GUGMA'G KAAYO.....

 

~aiz_ver~

di makumkum ang buwan

ang panahon

ang gugma

bidlisiw

....ang bidlisiw sa adlaw...

sa kabuntagon maaninaw..

sa kalit lang nahanaw..

. ang kahayag sa panan-aw...........

~aiz_ver~

ang taligsik

nganong nagtalikod ka man

nahanaw ang hagawhaw

..mihoot ang gininhawa sa akong dughan..

sa dihang mitawag ka kanako ug nanamilit
ug sa katakulahaw lang nahanaw 

ang hagawhaw sa imong kasagmuyo..napalong
ang panglantaw.... midagayday ang akong luha..nangutana sa kagahapon.....nganong
gipasagdang nadugta ang kasing kasing ngadto sa imong kamatayon....

 

~aiz_ver~

sa damgo nga gibiyaan

...ang agila galupadlupad sa mananoy nga awit..mitusik sa kasingkasing
nga nangandoy sa langit..nga way kahuptan nga utlanan, way kaabtan nga
pahulayan,kay diay wala ang gidamgo sa ibabaw kundi sa unahan man...matod
sa agila sa mananoy nga awit: "Ang damgo nga akong gibiyaan"..ang
tiunay kong damgo! Ania na ako, sa way paglangan,
misakay sa pako sa
Amihan paingon sa Habagatan...ang agila gatultol sa dalan sa
kagawasan, sa kalipay, sa damgo nga gibiyaan..........

 

~aiz_ver~

kab-ota ang imong damgo

..pugngan ko man ang tanod nga gihigot kanimo patugpahon ka sa
yuta og mutungtong ang akong mga tiil nianang lapad mong pako...apan
dili mahimo...nasayod ko babag ang akong kabug'at sa
imong paglupad ....magpabilin na lang ako dinhi sa yuta..sud-ungon
ang imong pagkuyog sa huros sa hangin ..padayon sa paglupad,
kab-ota ang imong mga damgo ..hatagi sa kalipay ang mga bata nga
naghangad kanimo.....

 

~aiz_ver~

ikaw

...ikaw, ang mibungat..ako naminaw, gitisok sa linghod kong
alimpatakan...nahimong handomanan....karon,akoy misugilon...ikaw
ang mihinumdom, gigitik ang imong dughan
sa pulong gibuy-an........

~aiz_ver~

kayamanan sa di mayaman

pamalit sa uhaw

buhangin sa aking paanan

paglisan

nasa kamay

ang balon sa buhay

pag-asa

lagaslas ng tubig

pangindahay