lagkaw sa gugma

Usa ka lagkaw taliwala sa basakan

Duha ka binuhat, gugma ilang gisay-an

Sa luha'g hudyaka, sila nag-uban,

Tungod sa gugma nga naghari sa ilang dughan.

Ang gugma, sa simbahan nahimong balaan

Mabulukong mga saad, ilang gituman;

Uban sa pag-ampo'g pangaliya gikan sa kahitas-an,

Sila, nahimong lig-on sa ilang panag-uban.

Kung sa kahoy, prutas ang bunga

Lawas ug kalag ang bunga sa gugma;

Kini nahimugso sa kalibutan isip usa ka gasa,

Gamot sa gugma nga gipakatay sa tagsa-tagsa.

Ang gasa, mao ako

IRIS ang ngalan nga ilang gidagnay kanako;

Misaksi sa BANGAW sa kinabuhi nga mapahiyumon,

Usa ka mahigalaon ug sama sa BULAK nga nangalimyon.

Sinulat Ni: Aiz_Ver